同事聚餐,同事強烈推介嚟呢間餐廳,果然正嘢!點樣正法?一句講晒:入味!依家出街食飯,好多時材料還材料,調味料還調味料。即係你食牛肉,肉無肉味,但外邊啲豉油糖鹽就非常之好味。

呢度嘅椒鹽魷魚,係真係好脆好香口;鹽焗雞,好有細個時阿媽整鹽焗雞髀嘅味道,雞肉雞味唔乾身;推介上湯枸杞浸黃沙豬膶,套同事一句:「你肯定呢舊係豬潤?」嫩滑都無人有;泥鯭肉丸粥,泥鯭全部拆晒骨,粥底夠綿,一入口鮮味出晒嚟。

但但但係,都係呢個白糖糕最吸引我。細路仔最鍾意食咩?糖!逢甜嘢就鍾意食!細個唔係有好多機會食白糖糕,但係好鍾意呢種味道同口感。大個咗,出街見到就一定買嚟食,當年係西雅圖,貴一貴都每星期出去超級市場買嚟食。呢件白糖糕,甜而不膩,亦不帶半點酸味。呢種係咩味?肯肯定係童年回憶嘅味道!

呢間餐廳,值得翻桌!

#小林帶你食好西 #大部份圖文不符 #白糖糕 #童年回憶 #廣東菜 #肥5磅 #食得是福
19 likes
  • victorlamhk同事聚餐,同事強烈推介嚟呢間餐廳,果然正嘢!點樣正法?一句講晒:入味!依家出街食飯,好多時材料還材料,調味料還調味料。即係你食牛肉,肉無肉味,但外邊啲豉油糖鹽就非常之好味。

    呢度嘅椒鹽魷魚,係真係好脆好香口;鹽焗雞,好有細個時阿媽整鹽焗雞髀嘅味道,雞肉雞味唔乾身;推介上湯枸杞浸黃沙豬膶,套同事一句:「你肯定呢舊係豬潤?」嫩滑都無人有;泥鯭肉丸粥,泥鯭全部拆晒骨,粥底夠綿,一入口鮮味出晒嚟。

    但但但係,都係呢個白糖糕最吸引我。細路仔最鍾意食咩?糖!逢甜嘢就鍾意食!細個唔係有好多機會食白糖糕,但係好鍾意呢種味道同口感。大個咗,出街見到就一定買嚟食,當年係西雅圖,貴一貴都每星期出去超級市場買嚟食。呢件白糖糕,甜而不膩,亦不帶半點酸味。呢種係咩味?肯肯定係童年回憶嘅味道!

    呢間餐廳,值得翻桌!

    #小林帶你食好西 #大部份圖文不符 #白糖糕 #童年回憶 #廣東菜 #肥5磅 #食得是福

  • pitchbattles😍
Log in to like or comment.